The Development of Pedagogical Education in the Semipalatinsk Region in the 1920s: Problems and Achievements of the Kazakh Pedagogical College

Аңдатпа

Мақалада 1920-жылдары Семей қазақ педагогикалық техникумының құрылуы мен қызметі қарастырылып, кеңес билігінің алғашқы жылдарында қазақ жастары үшін маңызды болған білім беру орталығының тарихы баяндалады. Зерттеуде педагогикалық техникумының қалыптасу үдерісі, оның
білім беру бағдарламалары және өңір мектептері үшін педагог кадрларды даярлаудағы орны талданған. Мұғалім кадрларын даярлау жүзеге асырылған тарихи контекстің ерекшеліктері
айқындалып, болашақ мұғалімдерді оқыту мен тәрбиелеу барысында техникум тап болған негізгі қиындықтар — қаржы ресурстарының жетіспеушілігі, оқу-әдістемелік материалдармен қамтамасыз етудегі олқылықтар, кадр тапшылығы мен техникалық жабдықталудың жеткіліксіздігі көрсетіледі. Мақалада білім беру үдерісінің негізгі қырлары, соның ішінде тіл саясаты, оқытушылардың білімі мен біліктілік деңгейі қарастырылып, студенттердің ұлттық және жас ерекшелік құрамы талданды. Мұрағат материалдары негізінде студенттер мен оқытушылар саны, оқытылатын пәндердің тізімі және өндірістік тәжірибені ұйымдастыруға қатысты деректер ұсынылады. Оқу орнының инфрақұрылымдық жағдайына, атап айтқанда жатақханалар мен кітапхана жұмысына ерекше назар аударылған. Сонымен қатар білім беру әдістемесіндегі жаңашылдықтар, мысалы зертханалық және экскурсиялық оқыту әдістерін қолдану тәжірибесі сарапталған. Мақалада елдің ұлттық зиялыларының қатарынан орын алған түлектердің рөлі мен үлесі айрықша атап өтілді. Осылайша, Қазақ педагогикалық техникумы тек Семей өңірі үшін ғана емес, бүкіл республика үшін педагог кадрларын қалыптастырудың маңызды буыны болды.