Рецензиялау

Ұсынылған қолжазбалар журналдың тақырыбына, редакция саясатына және рәсімдеу талаптарына сәйкестігі бойынша алдын ала тексерістен өтеді. Бұл кезеңде мақаланың толық файлы (барлық деректер, аннотация, кілт сөздер, әдебиеттер тізімі, транслитерация және авторлар туралы мәліметтер) тексерістен өтеді және плагиаттың болуын анықтайтын antiplagiat.ru бағдарламасы арқылы көшіріп алынған мәтінді анықтау жүргізіледі. Егер журналдың тақырыптық бағытына сәйкессіздік, мақаланы рәсімдеу немесе түпнұсқалыққа қатысты мәселелер анықталса, қолжазба рецензиялаусыз авторларға қайтарылады және авторларға бұл туралы тиісті түрде хабарланады. Журналдың тақырыптық бағытына және жариялау талаптарына сәйкес келетін қолжазбалар қарауға қабылданып, рецензиялауға жіберіледі.

Ғылыми қолжазбаларды рецензиялау журнал редакциясында жарияланатын мақалалардың сапасын қамтамасыз ету, нәтижелердің дұрыс әрі сенімді баяндалуын тексеру, басылымның жоғары ғылыми-теориялық деңгейін сақтау, сондай-ақ ең өзекті және практикалық маңызы бар ғылыми жұмыстарды іріктеу мақсатында жүзеге асырылады.

«Eurasian Journal of History» журналының редакциясына келіп түскен барлық мақалалар бастапқы сараптамадан және рецензиялаудан өтеді.

Журнал редакциясында екі жақты жасырын рецензиялау халықаралық стандарттары қабылданған: алынатын ұсынымдардың объективтілігін қамтамасыз ету үшін рецензенттердің тұлғасы авторларға немесе басқа рецензенттерге ашылмайды. Рецензенттерді бас редактор зерттеу саласына сәйкес келетін мамандардың арасынан, мақаланың бағыты бойынша жетекші мамандар қатарынан тағайындайды. Барлық рецензенттер ғылыми жарияланым этикасының талаптарын сақтауы, объективті және бейтарап болуы тиіс.

Рецензиялау құпия түрде жүргізіледі. Егер мақала рецензенттер тарапынан қабылданбаса, авторларға себептері көрсетілген бас тарту туралы хабарлама жіберіледі.

Рецензияда мақаланың өзектілігі, келтірілген зерттеу нәтижелерінің сенімділігі, олардың жаңалығының деңгейі, ғылыми және практикалық маңызы көрсетіледі. Сондай-ақ материалдың негізгі кемшіліктері мен олқылықтары (егер бар болса) атап өтіледі.

Рецензент мақаланы жариялау мүмкіндігі туралы қорытынды береді: қабылдау (соның ішінде шағын түзетулермен); шартты түрде қабылдау (толықтыру және қайта рецензиялау арқылы); қабылдамау. Оң рецензия болған жағдайда мақала жариялау мәселесін шешу үшін редакциялық алқа отырысына ұсынылады. Егер рецензенттің ескертулері мақаланы толықтыруды талап етсе, қолжазба түзету үшін авторға жіберіледі. Рецензенттің қорытындысы алынғаннан кейін жариялау мәселесі редакциялық алқа отырысында қаралады.

Теріс рецензия берілген жағдайда жұмыс қосымша сараптамаға жіберіледі. Екі теріс рецензия болған жағдайда авторға бас редактор тарапынан бекітілген әрі негізделген қолжазбаны жариялаудан бас тарту туралы хабарлама жіберіледі. Егер екінші рецензия оң болса, жариялау мәселесі редакциялық алқа отырысында қаралады.