ХХІ ғасырдың басындағы Түркия мен Ресей арасындағы әскери қатынастардың кейбір астарлары
##semicolon##
https://doi.org/10.31489/2022hph3/42-50##semicolon##
Түркия, Ресей, халықаралық қатынастар, әскери-саяси сала, НАТОАңдатпа
Бүгінгі күні Түрік Республикасы мен Ресей Федерациясы Еуразиядағы, сондай-ақ Таяу Шығыстағы халықаралық қатынастардың ықпалды акторларына айналғаны айқын. Соңғы онжылдықта Түркия да, Ресей де 90-жылдармен салыстырғанда екі елдің өзара тәуелділік дәрежесін күшейтетін салыстырмалы түрдегі саяси тұрақтылық пен экономикалық өркендеулерге қол жеткізді. Сонымен бірге Түркия бірқатар экономикалық және саяси дағдарыстарға тап болып жатқан кезде, Ресей нарықтық қатынастарға өту кезіндегі қиындықтарды бастан өткеріп жатты. Дегенмен өсіп келе жатқан экономикалық күш екіжақты байланыстардың нығаюына ықпал етіп қана қоймай, екі елдің де халықаралық алаңда белсенді рөл атқаруына деген ұмтылысын арттыра түскен еді. Осы орайда мақалада Түркия мен Ресей арасындағы әскери-саяси саладағы қарым-қатынастардың соңғы кезеңдегі деңгейінің арта түсуінің мәні мен салдары жан-жақты қарастырылған. Екі елдің әскери саладағы қатынастарына деген кейбір жетекші мемлекеттердің саяси ұстанымы, НАТО-ның өз мүшесі болып табылатын Түркияның іс-әрекеттеріне деген көзқарастары да мақалада назардан тыс қалмайды.
